రచన,స్వరకల్పన&గానం:డా.రాఖీ
వర పుత్రులు శ్రుతి గాత్రులు
స్వర ద్రష్టలు గళ శ్రేష్టులు
అంగడిలో దొరకదు మాధుర్యము
సాధనతో అబ్బదు ఆ మార్ధవము
జన్మజన్మల పుణ్యమే ఆ అదృష్టము
అమ్మలాలి మధురిమే ఆ సుశ్రావ్యము
1.సహజమైన గమకాలు అమరడం
గొంతు నుండి తేనెవాన కురవడం
రాగతాళాలతో రమ్యత రాటుదేలడం
భావనతో మమేకమై గాన మొలకడం
జన్మజన్మల పుణ్యమే ఆ అదృష్టము
అమ్మలాలి మధురిమే ఆ సుశ్రావ్యము
2.అపాత్ర దానమని తలచవద్దు దైవం
వృధాగ మారనేల అపురూప పాటవం
ఎలుగెత్తి పాడితే శంఖానికి పరాభవం
మనోధర్మ సంగీతంతో గీతానికి ప్రాభవం
జన్మజన్మల పుణ్యమే ఆ అదృష్టము
అమ్మలాలి మధురిమే ఆ సుశ్రావ్యము
No comments:
Post a Comment