https://youtu.be/ih65zSZ8Pe0?si=1iddjP2Pu4Zr5VlT
రచన,స్వరకల్పన&గానం:డా.రాఖీ
రాగం:మోహన
పౌరుషానికే ప్రతీక నీవు వీరాంజనేయా
స్వామిభక్తికే మచ్చుతునకవు భక్తాంజనేయా
నిను నమ్మిన దాసులకు నిజమైన అండవు కొండగట్టు హనుమా
మా నయన హారతులివే మారుతిరాజా ప్రియమార గైకొనుమా
1.రవినే మ్రింగినావు ఇంద్రునితో పోరినావు వాయునందనుడా
అంజనాదేవి కేసరిల ప్రియ తనూభవుడవు
ఇంద్రియ జితుడా
సుగ్రీవ మిత్రుడవు జాంబవత పౌత్రుడవూ అంగద హితుడా
శ్రీ రామదూతవు నీవు సీతామాతకు ఆనందదాతవు
సుందరాత్ముడా
2.ఎరుకపరచు స్వామి ఏకాగ్రతా లబ్ది
ధ్యానమునందు
తెలియజేయవయ్య ప్రభూ తన్మయత్వ సిద్ధి
గానమునందు
నీ రామనామ భజనలో భక్తిభావ సుధలే ఎల్లెడలా చిందు
శ్రీరామనామ గానమెచట సాగినా స్వామీ నువు వేసెదవూ చిందు
No comments:
Post a Comment