రచన,స్వరకల్పన&గానం:డా.రాఖీ
ఒక వెర్రిబాగులోడే నాన్న
స్వార్థపరుడెవరున్నారు తనకన్నా
తన కోర్కెలకోసమే నిను కన్నా
విలనే తానై తన కలల హీరోగా నిను కన్నా
చేతకాని వాడనిపించుకున్న
ఈతరాని వాడని ముద్రవేయించుకున్న
1.తెప్పలు తగలేసే తనయులకై
తీరం చేరవేసే సరంగుతానై
గడ్డాలనాడొక తెడ్డుజూపు కొడుకులకై
అడ్డాలు పడకుండా అరచేతులుంచినందులకై
ఈసడించబడుతున్న
విలువను కోల్పోతున్న
2.బాధ్యతలెరుగని బద్మాషులున్నా
హక్కులు మిక్కిలిగా గుంజుకున్నా
తండ్రిగ చెప్పుకొన్న తలవంపులనుకున్నా
ఎదురుగ కనిపించినా మొకం తిప్పుకున్నా
ఎదను సమాధాన పర్చుకునే
మేకపోతు గాంభీర్యం ప్రదర్శించే
No comments:
Post a Comment