రచన,స్వరకల్పన&గానం:డా.రాఖీ

నాదను కొంటేనే కలవరం

కాదనుకొంటే మనం ఎవరికి ఎవరం

ఇంతకన్న ఎలా తెలుపను నా ఎద వివరం

అలజడి రేగింది నీవల్లే నా ప్రశాంత మానస సరోవరం

1.నీ తలపులతో ఔతుంది నా మది చిత్తడి

నీ ఊహలకే దూకుతుంది భావావేశం మత్తడి

నీదేలే నా హృదయం మేలిమి పుత్తడి

చేదేలే నువు కాదంటే ఆరదు నా కంటతడి

2.ఎప్పుడు ముడివడిందో మనకీ చిక్కుముడి

ఇచ్చేసా ఏనాడో నీకు నిలువుదోపిడి

ఓపలేను ఆపలేను గుండెలోనీ రాపిడి

త్రెంచుకోకు చంపమాకు మనబంధం పొరబడి