https://youtu.be/UrhhaVQ2S9w
రచన,స్వరకల్పన&గానం:డా.గొల్లపెల్లి రాంకిషన్
రాగం:కాంభోజి
ఆలిమాట కెదురుచెప్పు మగడేడి జగాన
శ్రీమతి గీత దాటు పతియేడి ప్రపంచాన
హృదయపీఠాన నిన్ను పట్టమహిషి చేసాడే
వైకుంఠానికె నిను మహరాణిని చేసాడే
నీఆజ్ఞ మీరునా శ్రీపతీ… వేంకటాచలపతీ
నీ మాట జవదాటునా మాయమ్మ అలమేలు మంగా ప్రణతి
1.తల్లిచాటు పిల్లలం తండ్రి ఎడల భయభక్తులం
అమ్మా నీ కొంగు చాటుచేసుకొని అంగలార్చెదం
విసుగులేని సమయాన తనకు(నాన్నకు)విన్నవించవే
చిన్నచిన్న మురిపాలను తీర్చగ ఒప్పించవే
నీఆజ్ఞ మీరునా శ్రీపతీ… వేంకటాచలపతీ
నీ మాట జవదాటునా మాయమ్మ అలమేలు మంగా ప్రణతి
2.తీరిక చేసుకొని పట్టించుకొన మనవే
అక్కున జేర్చుకొని ఆలన చూడ మనవే
చక్కెర పొంగలి పెట్టి వినిపించు మా మనవే
పుక్కిట కప్పుర విడియమెట్టి వినమనవే
నీఆజ్ఞ మీరునా శ్రీపతీ… వేంకటాచలపతీ
నీ మాట జవదాటునా మాయమ్మ అలమేలు మంగా ప్రణతి
No comments:
Post a Comment