https://youtu.be/jqIJ9T6WsDA

అక్షరార్చన జేతు అనుదినము నీకు

లక్ష్యమొక్కటె నాకు దీక్షతప్పగనీకు

ధ్యాసయు శ్వాసయు నీవె ప్రతిజన్మకు

ప్రణతులు ప్రణుతులివె ప్రణోదేవీ 

నీ  పద పద్మ యుగ్మమ్ముకు వాగ్దేవీ

1.నా కలమొలికే అక్షరమేదైనా బీజాక్షరమవనీ

నా మనమున మననమయే భావం

దివ్యమంత్రమవనీ

ప్రభవించే ప్రతిగీతం పరమ పావనమౌ

సంకీర్తనయే కానీ

జనుల నాల్కలందు నాని నా పాట శాశ్వతమై నిలవనీ

2.పరులకు పంచితే పెరిగే సంపద కవనం నీవరం

శ్రోతలనలరించినా కొలది మార్ధవమౌ గాత్రం నీ ప్రసాదం

పాఠక హృద్యమౌ సాహితీ సౌరభమందించవే

జనరంజకమై వరలెడు సంగీతాంబుధి

యందికనను ముంచవే