స్వాతంత్ర్య దినోత్సవ సందర్భంగా "ఆజాదీక అమృత మహోత్సవ్"తరుణాన
నా దేశభక్తి గీతం
"కర్మ వీరులు"
చావుకు సవాలు విసురుతూ
వైరికి సత్తా చాటుతూ
దేశం కోసమే పుడుతూ దేశం కోసం బ్రతుకుతూ
దేశం కోసమె అసువులు బాసే సైనికులారా
మీకు సలాం
జాతిపతాకను నింగిలొ నిలిపే జవానులారా
మీకు జోహార్
1.సరిహద్దు వద్దా కదం తొక్కుతుంటారు
దేశ అంతర్గత భద్రత సరిదిద్దుతుంటారు
యుద్ధమంటె అనవరతం సిధ్దంగా ఉంటారు
శత్రుమూక ఎంతటిదైనా ఛెండాడుతుంటారు
కర్తవ్యపాలనయే మీకు వేదవాక్కు
భరతమాత రక్షణయే ఏకైక హక్కు
2.కులమతాలతో ఏ నిమిత్తమూ లేదు
ఫలితాల కోసం ఆయత్తమూ లేదు
పదవుల కోసం నానా గడ్డీ కరిచేది లేదు
ప్రకీర్తికోసం ఎటువంటి ప్రయత్నమూ లేదు
సమ్మెలు ఎరుగని కర్మవీరులు మీరు
భగవద్గీత నిత్యాచరణులు మీరు
No comments:
Post a Comment