రచన,స్వరకల్పన&గానం:డా.రాఖీ

రాగం:శ్యామ

తిరు వేంకట నారాయణా శరణం

మరువను స్వామీ మనమున నిన్నేక్షణం

అడుగడుగున నా మనుగడకు నీవేకారణం

పరమాత్మా పురుషోత్తమా విడువను నీ చరణం

1.అరయగ నాకుబలాటము తిరుమల మందిరం

మెరయును కాంచగ అద్భుత కాంచన శిఖరం

సరగున చనెదను పొందుటకై నీదివ్యదర్శనం

చమరించును కని నా కన్నులు నీ రూపమెంతో సుందరం

2.వేల వేదనలు తీర్చమని వేడగ నీకడకొస్తిని కొండలరాయ

కోటి కోరికలు కోరెదననుకొంటిని  నిను కోనేటిరాయ

కల్పవృక్షమే నీవైనప్పుడు పత్రం పుష్పం ఫలములు నాకేల

నీ పదముల చెంతన చింతలుండునా మననీయి స్వామి  నీ మ్రోల