రచన్వరకల్పన&గానం:డా.రాఖీ

నీకూ నాకూ లేనే లేదు వేరువేరుగ జీవితం

ఇరువురిదీ ఎప్పటికీ ఒకటే ప్రేమగీతం

పరువాలు ప్రాయాలు అయితేనేం పరిమితం

జన్మలుగా విడిపోనీ మన బంధం శాశ్వతం

1.తనువులు తాకని తపనలనెరుగని రాగబంధం

పరిపరి తలచెడి చనువుగ మసలెడి ఆత్మబంధం

నిన్ను చేరుకోవాలని నిరంతరం ఉబలాటం

నీ మనసు నల్లుకోవాలని అనునిత్యం ఆరాటం

2.కుదురుగా ఉండదు నిన్ను కనని నా మది

చెదిపోతుంటుంది పనేదైనా నిలవనీదు నీ యాది

రేయంతా కురిసేను మనమీద కలల కౌముది

కాలమే కట్టాలి ఇకనైనా మనలను కలిపే వారధి