మణులు వద్దు మాణిక్యాలొద్దు
మరి మరి పదవులు అధికారాలొద్దు
మిద్దెలూ మేడలొద్దు ఆస్తులు అంతస్తులొద్దు
ఉన్నదాన్ని అనుభవించు భాగ్యమీయవమ్మా
ఉన్నంతలో సంతృప్తిగా జీవించనీయవమ్మా
వరలక్ష్మీ కలవరమే కలుగజేయకమ్మా
భాగ్యలక్ష్మీ సర్వదా ఆరోగ్యమీయవమ్మా
1.సౌధమే ఐనా గదులెన్నిఉన్నా
అవసరపడును ఆరడుగుల స్థలమే
ఎంతవండుకున్నా కమ్మనిరుచులున్నా
జిట్టెడు పొట్టకు పట్టేది పట్టెడే
కంటినిండ నిద్దురనే పోనీయవమ్మా
తిన్నతిండి కాస్తా ఒంటబట్టనీయవమ్మా
వరలక్ష్మీ కలవరమే కలుగజేయకమ్మా
భాగ్యలక్ష్మీ సర్వదా ఆరోగ్యమీయవమ్మా
2.వాహనాలు ఉంటే ఏమి వేళమించిపోతే
గమ్యాన్ని చేరుకొనే గతిగాన రాకుంటే
విలాసాలు ఎదురుగ ఉన్నా వీలుకాకపోతే
అనుభవించు దేహమే సహకరించకుంటే
నిలిచిపో మాఇంట వినోదాలు విరిసేనంటా
నిండిపో మనసంతా ఆనందాలు పండేనంటా
వరలక్ష్మీ కలవరమే కలుగజేయకమ్మా
భాగ్యలక్ష్మీ సర్వదా ఆరోగ్యమీయవమ్మా
No comments:
Post a Comment