సంకల్పము నీ బలము
సంకటహర గణపతి
పట్టుదలే నీతత్వము
పార్వతి సుత విఘ్నపతి
ఆత్మవిశ్వాసమే నీ ఆరాధన
అవిమాలో పెంచమని మా ప్రార్థన
1.పరమ శివుని ఎదిరించి
కరి వదనము బడసినావు
గణాధిపత్యముకై మాతా పితరుల
ప్రదక్షిణమును సలిపినావు
నీకార్యదీక్ష నీ బుద్దికుశలత
అవిమాకీయమని నీకిదె చేజోత
2.నీ వికటరూపుగని
పకపకమనె చంద్రుడింక
శాపమిచ్చితివి శశిని గననీకుండ
చవితిన గాంచినవారల కపనింద
మంచి మనసు మానవత నీ వరాలు
అవి మాకొసగమని కోటి నమస్కారాలు
No comments:
Post a Comment