https://youtu.be/L4IZICZLWME

విస్తారమైన వీనులు నీవి

వినాయకా వినవేమి వినతులు మావి

నిశితమైన దృక్కులు నీవి

నగజా తనయా కృపగను మము స్వామి

గుండెలోన నిలిపాము అండగ ఉంటావని

గండాలు దాటించు వక్రతుండ నమోనమామి

1.ఉండ్రాళ్ళు నీకు మేము దండిగా పెడతాము

 సంకటాలు గట్టెక్కించు సతతం సత్వరము

కడుపార పెడతాము కుడుములను

కనికరించి తొలగించు మా ఇడుములను

గుండెలోన నిలిపాము అండగ ఉంటావని

గండాలు దాటించు వక్రతుండ నమోనమామి

2.వెలగపళ్ళు పెడతాము బొజ్జనిండ నీకు

వెతలను ఎడబాపవయ్యా వేగిరమే మాకు

పాయసాన్ని ప్రియమార నీకు నివేదిస్తాము

ఆయురారోగ్యాలూ ప్రసాదించ వేడేము

గుండెలోన నిలిపాము అండగ ఉంటావని

గండాలు దాటించు వక్రతుండ నమోనమామి