రచన,స్వరకల్పన&గానం:డా.రాఖీ
తంగేడుపూల రంగూ సీరా కట్టిన రంగమ్మా
సింగారమెలికే నీ నవ్వే పాలామీది పొంగమ్మా
సక్కిలిగింతలెందుకే నను సూసీనప్పుడల్లా
నీసిగ్గూ సిలకెత్తుకెల్లా మెలికెలు తిరిగేవె నిలువెల్లా
1.తురిమావే సిగలోనా తురాయి పూలు
పులిమావే నీలి కనుల కాటుక సోగలు
కొక్కెమేసి లాగుతోంది మనసును ముక్కెర
పెదాల ఊరుతోంది పాకమైన చక్కెర
2.తొడిగావే గాజులను మోచేతి దాకా
ముడిచావే మోజులను రాతిరయే దాకా
నంగనాచి నడుమేమో వేపుతోంది ఆగనీక
బుంగమూతి ఉత్తిదె నీ గుండె గుట్టు నాకెరుక
pic courtesy: Sri Agacharya Artist
No comments:
Post a Comment