రచన,స్వరకల్పన&గానం:డా.రాఖీ
ఎగిరిపోయే సమయమొచ్చిందే చిలకా
కనుమరుగయ్యే కాలమేతెంచిందే ఇక
చెట్టుతోటి గట్టుతోటి పెట్టుకున్న
ముచ్చట్లకు సెలవికా
ఏటితోటి పాటతోటి అల్లుకున్న
బంధాలకు వీడ్కోలికా
1.రానే వస్తుంది రావలసిన రోజొకటి
లోకమంత వెలుగున్నా నీకు కటిక చీకటి
చేయిదాటి పోవుటకు సరిపోతుంది తృటి
ఎంతటివారికైనా తప్పనిది ఇదే పరిపాటి
2.చక్కదిద్దుకోవాలి తెలివిగలిగి జీవితం
కూడబెట్టుకోవాలి చిటికెడైన పుణ్య ఫలం
వెంటతీసుకెళ్ళలేము ఓ తృణమూ ఫణమూ
మిగిలిపోవాలి ఇలలో మనదైన మంచితనమూ
No comments:
Post a Comment