రచన,స్వరకల్పన&గానం:డా.రాఖీ
రాగం:షణ్ముఖ ప్రియ
భువనేశ్వరివేమొ నీవు
విశ్వేశ్వరుడే హరుడు
గొప్పెవరన్నది ఈ ఇలలో విప్పి చెప్పేదెవరు
చప్పున ప్రేమతొ మము ముప్పిరి గొనెడివారు
1.మైసమ్మ పోచమ్మ మమ్ముల కాచమ్మ
కనకదుర్గ విజయదుర్గ మా నవదుర్గమ్మా
మహాలక్ష్మి సరస్వతి మా పార్వతమ్మా
పేరుకైతె రక్షించే పేరులుగల మాయమ్మా
కడగండ్లను కన్నీటిని ఎవ్వరు ఆపేరమ్మా
2.భోలాశంకరుడు అభయంకరుడు నీ వరుడు
భక్త వశంకరుడు పాలిత కింకరుడు ఆ శంభుడు
ప్రళయకాల రుద్రుడతడు జ్వలిత ఫాలనేత్రుడు
పేరుకైతె అభయమొసగు నామధేయుడు
అనారోగ్యాలు అకాలమరణాలు ఎవరాపేరమ్మా
No comments:
Post a Comment