రచన,స్వరకల్పన&గానం:డా.రాఖీ
బండరాయి కరుగుతుంది మీ పాటకు
ఏ గుండెకాయ కదలకుంది నా మాటకు ఈపూటకు
శిలాప్రతిమలైనారా అచేతనంగ మారారా
ఏంచేస్తే వస్తుంది చలనము
ఎలా తేగలను చైతన్యము
1.అర్థించినాను అభ్యర్థించినాను
ప్రార్థించినాను ప్రణమిల్లినాను
కొండలనైతే మోయమనలేదు
డబ్బులనైతే ఈయమనలేదు
సహృదయతతో స్పందించమన్నాను
మీ ఆశీస్సులనే అందించమన్నాను
ఏంచేస్తే వస్తుంది చలనము
ఎలా తేగలను చైతన్యము
2.శిశుర్వేత్తి పశుర్వేత్తి వేత్తి గాన రసం ఫణిః
రసపిపాసులే కదా ఉన్నది ఈ బృందావని
ప్రాధాన్యత నివ్వకనే సమయం దొరకదని
ప్రోత్సహించినంత మనకు పోయేదేముందని
తరించి తరింపజేయగా వేడుకున్నాను
అంతరాలనే అంతరింపజేయమన్నాను
ఏంచేస్తే వస్తుంది చలనము
ఎలా తేగలను చైతన్యము
No comments:
Post a Comment