రచన,స్వరకల్పన&గానం:డా.రాఖీ
నోచాను నీకై ప్రణయసార వ్రతము
వేచాను విరహాన ఈ సాయంత్రము
కొలను కలువల ఎడబాటు తీరెను
గగనమున జాబిలి ఆగమనమున
అభిసారికనైతి ప్రియా నీరాకను కనరాకను
కామనము తీరక వగచితి నా మనమున
1.ప్రశాంతమైన పూవన ప్రాంతమున
ఏకాంతమే దొరికిన ఈ సమయమున
నిను వలచిన కాంతనై చింతాక్రాంతమున
వలపులు చిలుకు వన్నెల ప్రాయమున
అభిసారికనైతి ప్రియా నీరాకను కనరాకను
కామనము తీరక వగచితి నా మనమున
2.మల్లెల మాలనే వాలుజడలో తురిమి
తెల్లని చీరతో పెంపొందించగ కూరిమి
రమించగ శ్రమించగ నశించు నీ ఓరిమి
లాలించగ పాలించగ చేసుకో నను మాలిమి
అభిసారికనైతి ప్రియా నీరాకను కనరాకను
కామనము తీరక వగచితి నా మనమున
No comments:
Post a Comment