రచన,స్వరకల్పన&గానం:డా.గొల్లపెల్లి రాంకిషన్ రాఖీ
అగ్నిమాపకమే లేదు ఆర్పడానికి-
నిరంతరం నను కాల్చే నీ జ్ఞాపకాలని
ప్రేమమాపకమేదీ లేదు కొలవడానికి
అపారమైన నీమీది అనురాగానికి
నా గుండె సడివి నా మది అలజడివి
జన్మలెన్ని ఎత్తినా నను వీడని ముడివి
1.నేను నిన్ను ఆరాధిస్తా ప్రియమైన దేవతగా
నన్ను మాత్రం పరిగణించవు నీ కనీస భక్తుడిగా
షరతులంటు ఉంటాయా ప్రణయాను బంధాన
అవధులంటు ఉంటాయా ఆత్మలేకమయ్యాక
నా గుండె సడివి నా మది అలజడివి
జన్మలెన్ని ఎత్తినా నను వీడని ముడివి
2.గులాబివే నీవు ఘుమఘుమలు గుభాళిస్తూ
కంటకమని నను భావించినా వెన్నంటి కాపుకాస్తా
సితారవే నీవు మంజుల స్వరములు రవళిస్తూ
తప్పని తప్పెటనై విప్పిన గుప్పిటినై లయకూరుస్తా
నా గుండె సడివి నా మది అలజడివి
జన్మలెన్ని ఎత్తినా నను వీడని ముడివి
No comments:
Post a Comment