రచన,స్వరకల్పన&గానం:డా.రాఖీ
పొరపొచ్చాలే ఎరుగనిది
తెరచిన మనసుతొ మసలేది
మన్నింపెన్నడు కోరనిది
ఎదీప్రతిగా ఆశించనిది
చెలిమి కన్నా కలిమే లేదు జగనా
తన పర భేదమె కనరాదు స్నేహానా
1.మంచీ చెడులను వివరించేదీ
తప్పుల నెన్నక సవరించేదీ
ఒంటరితనమును మరపించేది
అండగ ఉంటూ నడిపించేది
చెలిమి కన్నా కలిమే లేదు జగనా
స్వార్థపు ఛాయే కనరాదు స్నేహానా
2.ఎందరు ఉన్నా ముందుగ మెదులును నేస్తం
ఖేదం మోదం పంచుకొనుటకు తానే సమస్తం
చీకటి కమ్మిన వేళలలో మిత్రుడే మనదారిదీపం
పూర్తిగ నమ్మెడి ఆప్తుడొకడే పరమాత్మ రూపం
చెలిమి కన్నా కలిమే లేదు జగనా
వంచన యన్నది కనరాదు స్నేహానా
No comments:
Post a Comment