రచన,స్వరకల్పన&గానం:డా.రాఖీ
రాగం:చారుకేశి
నమ్మితిని వేంకటపతి-నింపితి నిను నా మతి
చూసెదవని అతీగతి-నిలిపెదవని పరపతి
రానీ నను తిరుపతి-నీ చరణాలే నాకుగతి
గోవిందగోవింద శ్రీపతి-త్రికణశుద్ధిగా నీవే శరణాగతి
1.హాయిగొలుపు తిరుమల ప్రకృతి
బంగారు శిఖరాల మందిర నిర్మితి
ముగ్ధ మనోహరమే స్వామీ నీ సుందరాకృతి
పొగడగ నా తరమా నమోనమో రమాపతి
2.బండగమారె నా గుండెన కనగ ఆర్ద్రమే
గండములెన్నొ చేరె అడుగిడ కడు సాంద్రమే
కొండమీద సంద్రముంది నీ దయా సంద్రమే
అండకోరు వారిఎడల నీ కడ సౌహార్ద్రమే
No comments:
Post a Comment