రచన,స్వరకల్పన&గానం:డా.రాఖీ
అడ్డాలనాడే మన బిడ్డలు
గడ్డాలనాడు సెగ గడ్డలు
మమకారపు భావన మనది
బాధ్యత గర్జులన్న వాదన వారిది
తరాల అంతరాలలో నలుగుతున్న జీవులం
సతాయింపు సణుగుడులో సతమతమౌతున్న నిస్సహాయులం
1.మాటనుటకు వీలులేదు దాటవేయగా మరి దారిలేదు
తండ్రులకు కొడుకులకు జడవక గడవని మన
తీరు చేదు
భయము భక్తి గౌరవాలు ఫెద్దలకందించినాము
ఎదురుతిరిగి ఈసడించినా పిల్లలనాదరించినాము
మితమగు సంతతే ఈ గతికి కారణం
అతిగా ప్రేమించుటే దుస్థితి దర్పణం
2.ఆస్తులమ్మి అమెరికా చదువుకు సాగనంపినాము
నెలకైనా తలవకున్నా కడుపుతీపితో మిన్నకున్నాము
తమ బ్రతుకే తమదనుకొన మద్దతుగా నిలిచాము
చరమాంకపు జీవితాన ఏకాకులమై
వగచాము
మారుతున్న కాలానికి మారాలి మనమే
చిరునవ్వుతొ స్వాగతించి కోరాలి మరణమే
No comments:
Post a Comment