రచన,స్వరకల్పన&గానం:డా.రాఖీ

తీయగా మూల్గుతోంది నా మనసు

నీ అందాలు ఆస్వాదించమని

ప్రబందాల కందని నీ పరువాలని

పదిలంగా పాటలో కుదించమని

వెతుకుతోంది నా మది కుతకుతలాడే  వెతకు మూలమేదని

ఆతురతగా ఉంది హృదయానికి 

తనుసాంతం నీసొంతం కావాలని

1.చెక్కణాల చక్కదనం కొక్కెమేయ వెక్కుతోంది

కక్కలేక మ్రింగలేక బిక్కచచ్చిపోతోంది

పక్కచూపులేవొ చూస్తూ ఫక్కున నవ్వుతోంది

లెక్కకు మిక్కిలిగా చిక్కుల చిక్కుతు చీకాకు పడుతోందీ

వెతుకుతోంది నా మది కుతకుతలాడే  వెతకు మూలమేదని

ఆతురతగా ఉంది హృదయానికి తను సాంతంనీకే సొంతంకావాలని

2.ఎద దాటదు ఏ భావన కలవరపెడుతున్నా

పెదవికైన తెలియదు కనులు కతలు పడుతున్నా

తలపెట్టిన ప్రతిసారీ పీకనొక్క ఆగిన మరులెన్నో

పుట్టిన ప్రతి తలపుకు కట్టిన తాజ్ మహలులెన్నెన్నో

వెతుకుతోంది నా మది కుతకుతలాడే  వెతకు మూలమేదని

ఆతురతగా ఉంది హృదయానికి తను సాంతంనీకే సొంతంకావాలని