రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:ద్విజావంతి
నాకింతటి అంతులేని దేహ మనో చింత నా
అనంతా అచ్యుతా తిరువేంకటనాథా కొఱవడెనా నీ చింతనా
నను మననీయవైతివే మంగాపతి నీ చెంతన
నిర్మించనీయవైతివే నీకూ నాకూ నడుమన వంతెన
వాసుదేవ గోవిందా వనమాలీ నరహరి
వామన పురుషోత్తమా ముకుంద మురారి
1.మొక్కుబడిగ నిను మొక్కితె చిక్కెడి వాడవేఁ?
మొక్కనుండి విడివడితే నీ తలపుల పూలు వాడవేఁ!
మా మొక్కులు ముడుపులు మిక్కిలై ఏవీ వాడవేఁ?!
మొక్కవోని భక్తితో ఎక్కిన దక్కెడి ఏడుకొండల రేడువే !
వాసుదేవ గోవిందా వనమాలీ నరహరి
వామన పురుషోత్తమా ముకుందా మురారి
2.గరుడాద్రి వృషభాద్రి నధిగమించ మా గండాలు తొలగు
అంజనాద్రి నీలాద్రి నధిరోహంచ నీ అనుగ్రహమే కలుగు
శేషాద్రి వేంకటాద్రి నెక్కితే మా ఆత్మజ్యోతి వెలుగు
నారాయణాద్రి చేరితే స్వామి నీ దివ్య దర్శనము దొరుకు
వాసుదేవ గోవిందా వనమాలీ నరహరి
వామన పురుషోత్తమా ముకుంద మురారి
No comments:
Post a Comment