https://youtu.be/8ucf8LfTl08

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:దర్భార్ కానడ

లక్ష్మీవల్లభా ప్రభో మమ ప్రసన్నః ప్రసన్నః

అలమేలు మంగా విభో ప్రసీదః ప్రసీదః

తిరువేంకట నాయకా స్వామీ నమోనమః

శరణు శరణు కరుణాంబుధే గోవిందాయనమః

1.ఎన్నాళ్ళిలా ఏ ఎదుగూబొదుగూ లేనిబ్రతుకు

ఎన్నేళ్ళిలా శుభం పలకవు గతుకుల నా కథకు

ఎంతని భరించడం అంతంలేదా స్వామి నావెతకు

సంతసమన్నది ఎండమావిగా దొరకదు ఎంతకూ

2.ఉన్నావో లేవో తెలియని ఓ వింత ఊహవు

ఏ పిచ్చోడో ఎపుడో అల్లిన కవన కల్పనవు

ఈ యాతనా జగత్తులో నీవే కాస్త ఊరటవు

అంతులేని జీవయాత్రలో బలము బలహీనతవు