https://youtu.be/XNXRf_9IDNA
రచన,స్వరకల్పన&గానం:డా.గొల్లపెల్లి రాంకిషన్ రాఖీ
అలికిడి లేని నడిరాతిరిలోను అలజడిరేపింది నీ జ్ఞాపకము
దినమానమమునీ స్మృతుల జడిలో తడవడమే కద నా వ్యాపకము
1.ఎండుటాకుల గలగల సడి నీ మంజుల పదమంజీర రవమై
కోటిరాగాలు మీటసాగింది మధుర భావాల నా మానసము
2.అల్లనవీచే పిల్లతెమ్మెర నీ ఊసులేవో గుసగుసలాడగ
ఊహలు కథకళి నర్తనమాడగ మ్రోగింది నా ఎద మృదంగము
3.మెల్లగ వేసిన పిల్లి అడుగులు సడిరేపెను నీ రాక సూచిగ
ఆశలు రేగ ఆరాటపడుతూ ఉద్వేగమొందెను నా దేహము
4.నీతలపులతోనే తలమునకలవుతూ నా మది సమాధికాగా
విషాదాంతమై రాఖీ నీ గీతి సాగరఘోషకు సాపేక్షము
No comments:
Post a Comment