https://youtu.be/eKxCccDnEhg?si=3BxM43h7d_gJpyuZ
రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:రీతిగౌళ
కర్పూరహారతిదే కరుణాసాగరా
మంగళహారతిదే మంగళాంగాహరా
నక్షత్రహారతిదే అక్షరవరదా ఈశ్వరా
నా పంచ ప్రాణహారతిదే రాజరాజేశ్వరా
1.కొనియాడితిని నిను తూలనాడితిని
నిందాస్తుతితోను నిను మందలించితిని
ఛందో దోషాలతో నీపై కవితలు వెలయించితిని
నందివాహనా మన్నించి నాకీయి శరణాగతిని
2.తెలిసీ తెలియకనే పరుషములాడితిని
వచ్చీరాక అరకొరగానే భాషను వాడితిని
తండ్రీ కొడుకులమే కదా దండించకు నీసుతుని
తప్పొప్పులు కాచి నన్ను కడతేర్చగ వేడితిని
No comments:
Post a Comment