https://youtu.be/ckLHJNKlLqA?si=nKi3bp9iYfu6pA9K
రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:శివరంజని
కనుమూసినావా మము కన్నతల్లీ… నీవు
కను రెప్పపాటులోనే ఎటు మాయమైనావు
మనసెలా ఒప్పింది మము వదిలి వెళ్ళడానికి
ఏం చేయమంటావు నువు దారిమళ్ళడానికి
ఎవరు తీర్చగలరమ్మా… నువులేని లోటును
ఎవరు పూడ్చగలరమ్మా మా మదిలో నీ చోటును
1.ఎదను కలచివేస్తున్నాయి నీ కమ్మని జ్ఞాపకాలు
మదిని తొలిచివేస్తున్నాయి నువులేవను నిక్కాలు
దొరకునా నీప్రేమానురాగాలు వెదకినా ఏడేడు లోకాలు
ఆరునా నీకొరకై అంగలార్చెడి మా గుండె శోకాలు
ఎవరు తీర్చగలరమ్మా నువులేని లోటును
ఎవరు పూడ్చగలరమ్మా మా మదిలో నీ చోటును
2.అవసాన దశలోనూ అమ్మా… నీసేవ చేయనైతినే
నువు తుదిశ్వాస నొదులునప్పుడూ చెంతలేక పోతినే
పదములేవి తాకినా పొందగలనా నీవిచ్చే దీవెనలనూ
పదములెన్ని కూర్చినా వ్యక్త పరచేనా నాలో నీ భావనలనూ
ఎవరు తీర్చగలరమ్మా నువులేని లోటును
ఎవరు పూడ్చగలరమ్మా మా మదిలో నీ చోటును
No comments:
Post a Comment