నీవులేక నాలో ప్రేమే మొలిచేదా
అది పూవులు పూచేదా
ఆ పూలతేనె చేదా
నా ఊసే నీకు బాధా ,నారాధా
1. అనురాగ ధారా-కురిపించ రాదా
నానేరమేదో ఎరిగించరాదా
ఎంతకాలమనియీ రీతి సాగాలి
ఆకులన్ని రాలి ఆశలన్ని కాలి మోడై నిలవాలి
2. నీ వసంతం నాకు సొంతం
చేయాలంటే ఏల పంతం
నాలో లేనిదేదో ఏదో అదిఏదో
నేనంటే నీకు పగనా నేనసలే నీకు తగనా చెప్పరాదా
3. పాలముంచ నమ్మించేవు
నీటముంచి వంచించేవు
మనసంటేనే నీకో క్రీడనా
బ్రతుకుతోటి ఆడి నట్టేట్లో నను వీడి నవ్వేవా