నువు చేయి సాచితే-ఒక స్నేహగీతం 

మరులెన్నొ రేపితే- ఒక ప్రణయగీతం 

కనిపించకుంటే ప్రతి క్షణమూ-ఓ విరహ గీతం 

కరుణించకుంటే నా బ్రతుకే-ఓ విషాద గీతం 

1. నీ పరిచయమే – నాభాగ్య గీతం 

నీ సహవాసమే-మలయపవన గీతం 

నీ చెలిమితోనే-ఒక చైత్ర గీతం 

నువు పలికితేనే-మకరంద గీతం 

2. నీ స్వరములోనా –ఒక భ్రమర గీతం 

నీగానములో -కలకోకిల గీతం 

నీ నిరీక్షణలో-చక్రవాక గీతం 

మన అనురాగమే –క్రౌంచ మిథున గీతం 

3. నీ భావములో-రాధా కృష్ణ గీతం

 నీ ధ్యానము లో-మీరా కృష్ణ గీతం 

నీ వియోగములొ-సీతారామ గీతం 

మనవిచిత్ర మైత్రియే-శుకశారిక గీతం