ఎంతకాలం సాగుతాయీ వెర్రి పోకడలు
ప్రపంచమంతా విస్తుపోయే వింత ధోరణులు
కొనగలిగే చదువులు
కులమడిగే పదవులు
భ్రష్టుబట్టి పోయిన విద్యా వ్యవస్థలు
కులప్రాతిపదికతో మేధావుల అవస్థలు

 1.వికాసమెంతో వికసించినా,అవకాశాలే పరిహసించునా
విజ్ఞానఖనిగా సానబట్టినా పోటీలలో కాస్త చోటైన దొరుకునా
చిత్తశుద్ది నోచలేక వైద్య వృత్తివిద్య లేల
నైపుణ్యం నందలేని నిర్మాణ చతురతేల

2. రాజకీయ మాయవల్లొ చేపపిల్ల లైతె ఎలా
నాటకీయ నేతలల్లొ ఆటబొమ్మలైతె మేలా
ఇకనైనా పునాదులతొ మేడలనే కడదాం
జాతిని జాగృత పరచే పాటలనే పాడుదాం