శిథిలమైన శిల్పాన్ని తిరిగి చెక్కుతున్నా..
భిన్నమైన ప్రతిమకు ప్రాణప్రతిష్ట చేస్తున్నా
పాడుబడ్డ గుండెనే గుడిగాచేస్తున్నా
మనసు లేని దేవతకే మరీమరీ మొక్కుతున్నా

1.వరములేవి అడుగకున్నా కరుణ మానెనెందుకో
పూజలెన్ని చేస్తున్నా లెక్కచేయదెందుకో
దోషమేదొ ఎరిగింపక చింతపెంచె నెందుకో
ఊపిరాడలేకున్నా వింతగ చూసెనెందుకో

2.బాధపంచుకుంటె చాలు భాగ్యమునందించినట్టె
క్రీగంట చూస్తెచాలు దయామృతం చిలికినట్టె
చిరునవ్వితేనె చాలు వెన్నెల వర్షించినట్టె
స్నేహంగా ఉంటెచాలు బ్రతుకు బాగుచేసినట్టె