నా తలపుల కల్పన నీవే
నా ఎదగల భావన నీవే
నా గళమున ఆలాపనవే
నా కవితల సృజనవు నీవే
నా సేదదీర్చే మలయసమీరమువే
నా తపనలనార్పే మధురసరస్సువే
నా చెలీ నన్ను చేరరావే
వేగిరంనా  కంటిపాపకావే

1.పరుగులు తీరే నీలిమేఘం నీవేనీవే
పుడమిని తడిపే వానచినుకై రావే
హొయలే పోయే  సెలయేరంటే నీవే
కడలికౌగిట ఒదిగే నదివైరావే
నా చెలీ నన్ను చేరరావే
వేగిరంనా  కంటిపాపకావే

2ఎడారిదారుల ఒయాసిస్సువు నీవే
చీకటి రేయికి తొలిఉషస్సువు నీవే
చకోరి పాలిటి శరత్తువైరావే
శిశిరపు వాకిటి ఆమనివై రావే
నా చెలీ నన్ను చేరరావే
వేగిరంనా  కంటిపాపకావే