OK

ఊరడించలేని ప్రజాక్షేమమెందులకు..!
ఉసురుతీసుకున్నా ఉలకని మతి ఎందులకు
కడుపునింపలేని కంటితుడుపులెందులకు
ఓదార్పే ఎరుగలేని అధినేత లెందుకు

1.కొండగట్టుదుర్ఘటనకు స్పందించని దెందులకు
పూజారి హత్యకైన చలించలేనిదెందులకు
సిరిసిల్లదురాగతాల ఊసెరుగని దెందులకు
పసుపురైతు గోసెరుగని పద్ధతి మరిఎందులకు

2.విద్యార్థుల ఆత్మబలికి విలువీయక పోవనేల
పట్నాల దుస్థితిపై పట్టింపుమరువనేల
పార్టీలను పరిమార్చగ కంకణబద్ధతేల
పక్షపాతధోరణితో ప్రతిభను తొక్కేయనేల

3.ఇల్లుచక్కదిద్దకుండి ఊళ్ళేలడమెందుకు
తన్నుమాలిన ధర్మం కొమ్ముకాసుడెందులకు
ఆశపెట్టి బాసచేసి మాట తప్పుడెందులకు
కన్నుమిన్నుకానకుండి కాలుదువ్వుడెందులకు