గల గల పారుతోంది సెలయేరు
కళకళలాడుతోంది మన ఊరు
స్వచ్ఛనైన  జలాలతో
పచ్చనైన  పొలాలతో
రారా నేస్తం ఈతలు కొడదాం
సరదాసరదాగా చేపలు పడదాం

వేసవి సెలవులు ఆనందంగా
ఆటల పాటల గడిపేద్దాం
రెక్కలు సాచిన పక్షుల్లాగా
గగనపు వీథుల విహరిద్దాం
రారానేస్తం దోస్తీ చేద్దాం
సరదాసరదాగా కుస్తీ పడదాం

తోటమాలి గన్నుగప్పి
మామిడికాయలు కోద్దాం
మనని పట్టుకోను వస్తే
పరుగులు పెడదాం
దొరికిదొకటైనా పంచుకుందాం
కాకెంగిలి చేసైనా కమ్మగ తిందాం

చెట్టు చెట్టు పైనా
కోతికొమ్మలాడుదాం
పిట్టపిట్టతోనూ
కబురులు చెబుదాం
రారా నేస్తం కోయిలతో పోటీపడదాం
సరదాసరదాగా జాబిలితో జట్టే కడదాం