ఏడుపెలా వస్తుంది కారికారి కన్నీరే ఇంకిపోతే
దుఃఖమెలా తీరుతుంది అగచాట్లే ఆగకుంటే
మిణుకుమిణుకుమనే ఆశను విధి చిదిమేస్తుంటే
ఏల్నాటి శని పగబూని బ్రతుకును కబళిస్తుంటే

1.దురదృష్టం త్వరపడి తానే అడ్డుపుల్లలేస్తుంటే
అడుగులోన అడుగేవేసి పదిలంగానే నడుస్తుంటే
వైకుంఠ పాళిలో పాములన్ని కాటేస్తుంటే
జీవితచదరంగంలోనా చుట్టుముట్టి చంపేస్తుంటే
దినం ఎలాసాగుతుంది బలిచేస్తుంటే

2.సంసార సాగరంలో బిగబట్టి ఈదుతుంటె
దారితెన్ను కానరాక చీకట్లు ముసురుతుంటే
దిక్కుతోచకుండా తుఫానులో చిక్కుకుంటే
ఇంతచాలదన్నట్టు తిమింగలం మింగబోతే
భవిత ఎలా ఉంటుంది బడుగుజీవికి