https://youtu.be/pCrQjazIUWQ

గురువారం ఇది సద్గురువారం
వారానికి ఒకమారైనా సాయికోవెలకు వెళ్ళే వారం
సాయికి పంచ హారతులు మనసారా ఇచ్చేవారం
సాయి పల్లకీ మోసేవారం సాయి భజనలు చేసేవారం
ఓంసాయి శ్రీసాయిజయజయ సాయి
ఓంసాయి శ్రీసాయి జయజయసాయి

1.సుప్రభాతముతొ సాయిని లేపి
పాలతొ సాయిని అభిషేకించి
షాలువ సాయికి మేనున చుట్టి
విభూతిగంధము తిలకము దిద్ది
మెడలో పూలమాలలు వేసి
ధూపము దీపము వెలిగించి
నైవేద్యము సాయికి నివేదించి
నీరాజనమే సాయికి ఇచ్చి
మంత్రపుష్పమే భక్తిగ చదివి
ధునిలోభస్మము  నుదుటను దాల్చి
తీర్థప్రసాదము స్వీకరింతుము

2.సాయి ఎదుటన ఆసీనులమై
మదిలోసాయిని పదిలపర్చుకొని
బాధలనన్ని పోగొట్టమని
సంపదలెన్నో సమకూర్చమని
ఆపదలోన ఆదుకొమ్మని
విద్యాబుద్దులు నేర్పించమని
మిద్దెలు మేడలు ఇవ్వమని
పదవులు బిరుదులు ఆశించి
సాయిని వేడుదమని ఎంచి
ధ్యానములోనా మైమరచి
సాయినామమే జపియించెదము

OK