అది తెలుసు ఇది తెలుసు
అది ఇది ఏలా అన్నీ తెలుసు
ఉన్నది తెలుసు లేనిది తెలుసు
ఉండీలేనిది ఏదో తెలుసు
ఎంతతెలిసినా మరెంత మరచినా
తెలియనిదెంతెంతొ ఉందని తెలుసు
అది ఒక వింతనీ తెలుసు

1.మనసొకటుందని మరిమరి తెలుసు
మనిషీ మనసూ  వేరని తెలుసు
మనసులేని మనుషులు తెలుసు
మనిషిలేక మనలేక ఏమనలేక
మనసు దుర్గతి తెలుసు
ఎంతతెలిసినా మరెంత మరచినా
తెలియనిదెంతెంతొ ఉందని తెలుసు
అది ఒక వింతనీ తెలుసు

2.ప్రేమ సంగతి పూర్తిగ తెలుసు
ప్రేమ అంటెనే ఆర్తిగ తెలుసు
ఆకర్షించే అయస్కాంతం ప్రేమని తెలుసు
త్యాగం భోగం మధ్యన ఊగే
లోలకం ప్రేమని తెలుసు
ఎంతతెలిసినా మరెంత మరచినా
తెలియనిదెంతెంతొ ఉందని తెలుసు
అది ఒక వింతనీ తెలుసు

3.దైవం ఏమిటోతెలుసు
నమ్మిక అంటేను తెలుసు
నమ్మితేనే దైవమని తెలుసు
దైవం దర్పణమని తెలుసు
ఆత్మసమర్పణే ఆతత్వమని తెలుసు
ఎంతతెలిసినా మరెంత మరచినా
తెలియనిదెంతెంతొ ఉందని తెలుసు
అది ఒక వింతనీ తెలుసు