చిన్నపాటి వెన్ను చఱుపులే బలవర్ధకాలు
ఊహించని మెచ్చుకోళ్ళే ఉత్ప్రేరకాలు
ఖర్చువెచ్చమే లేని అపురూప కానుకలు
మనస్ఫూర్తి స్పందనలే ఎనలేని బహుమానాలు
అల్ప సంతోషి మనిషి పొంగుతాడు పొగడ్తకు
పల్కు ఎదన గుచ్చుకుంటే జారుతాడు అగడ్తకు

1.ఇల్లాలి సేవలెన్నో గుర్తిస్తె పరవశాలు
వంటకాలు రుచిచూసి కీర్తిస్తే పదివేలు
కట్టుబొట్టు అందాలు చీరకట్టు చందాలు
ప్రశంసిస్తె రోజంతా స్వర్గ సౌఖ్యాలు
అల్ప సంతోషి మనిషి పొంగుతాడు పొగడ్తకు
పల్కు ఎదన గుచ్చుకుంటే జారుతాడు అగడ్తకు

2.విద్యార్థి కృషి గమనించి గుప్పించు అభిందనలు
పరీక్షా ఫలితాల్లో జరుగుతాయి అద్భుతాలు
ఓటమి గెలుపుల్లో వెన్నంటి ఉంటె చాలు
మాయమై పోతాయి అన్ని ఆత్మహత్యలు
అల్ప సంతోషి మనిషి పొంగుతాడు పొగడ్తకు
పల్కు ఎదన గుచ్చుకుంటే జారుతాడు అగడ్తకు

3.కవులూ కళాకారుల మనసులే సున్నితాలు
కరతాళధ్వనులే వారికి ఘనమైన సత్కారాలు
కండువా కప్పినా అదియే  కాశ్మీరుషాలు కవులకు
కవితను కొనియాడితే జ్ఞానపీఠే వారి చెవులకు
అల్ప సంతోషి మనిషి పొంగుతాడు పొగడ్తకు
పల్కు ఎదన గుచ్చుకుంటే జారుతాడు అగడ్తకు