సాహిత్యం సంగీతం మేలుకలయికే గీతం
ఆత్మా పరమాత్మలాగా ఐక్యమైన బంధం
అనుభూతి అనుభవాల సారం
ఎంతగ్రోలినా తనిదీరని అమృతకాసారం

1.ఆలాపనగా అంకురిస్తుంది భావన
ఆస్వాదనలో చిగురిస్తుంది  తపన
కలమూ గళమూ పాలుపంచుకునేదీ పోటీ
నిర్ణయించ తరమా ఏదో మేటీ
అనుభూతి అనుభవాల సారం
ఎంతగ్రోలినా తనిదీరని అమృతకాసారం

2.అక్షరాలు మెదులుతాయి లయనే శ్వాసగా
పదాలు కదులుతాయి లక్ష్యందిశగా
పల్లవి అనుపల్లవి జోడుగుర్రాలుగా
చరణాలే చక్రాలై గీతరథం  ప్రగతి పథంగా
అనుభూతి అనుభవాల సారం
ఎంతగ్రోలినా తనిదీరని అమృతకాసారం