పన్నీటి వసంతం ఒక కంటిలో
కన్నీటి జలపాతం మరోకంటిలో
ఎన్నిసంచలనాలు నా ఒంటిలో
నందనవనాలూ స్మశానాలూ నా ఇంటిలో

1.జలతారు ముసుగుల్లో
దాగిఉన్న లొసుగులు ఎన్నో
దరహాస అధరాల వెనుక
మనసున ముసిరిన వెతలెన్నో
నోరు మాట్లాడుతుంది నొసలువెక్కిరించినా
తెగువ పోట్లాడుతుంది విధియే వక్రించినా

2.అన్ని పున్నమి రాత్రుల్లో
కారుమబ్బు కైనీడలెన్నో
గులాబీల రహదారుల్లో
గుచ్చుకునే వాడిముళ్ళెన్నో
వాస్తవాల గొంతునొక్కి మిథ్యరాజ్యమేలుతోంది
జీవించే హక్కుకొరకే బ్రతుకు ఈడ్వ బడుతోంది