బందులతో ఇబ్బందులు ఒకనాటివేగా
చెఱసాలలు ఉరికొయ్యలు ఇట అలవాటేగా
నరమేధాల్లో నలిగిన చరితే తెలంగాణా
బలిదానాల్లో వెలిగిన ఘనతే తెలంగాణా

1. పోరాడితే పోయేదేమి ప్రాణం మినహా
సాగించరా సమరం నేడు సరికొత్త తరహా
నిరాహార దీక్షలతో నీ నిరసనలు
సత్యాగ్రహాలతో ఆక్షేపణలు
నీ మౌన దీక్షలతో అభ్యర్థనలు
సమ్మెలు,ధర్నాలతో ఆకాంక్షలు

2. అణగారిన భావం నీలో పాతాళ గంగ
దాహాలనే తీర్చేయగా తరుణమిదే ఉప్పొంగ
మేధావులందరూ చేయి చేయి కలుపంగ
యువకులంత ముందు నిలిచి ఉద్యమాలు నడపంగ
వచ్చితీరు తెలంగాణ ప్రత్యేకంగా
ఇచ్చితీరుతుంది ప్రభుత సాదరంగ