https://youtu.be/oWP-ohcYAR4?si=wYajA49dnkomNj2C

కైలాసం వదలి రావొ శివయ్యా
సకుటుంబ సమేతంగ కదలిరావొ సదయ్యా
నా ఎదలో పదిలంగా కొలువుదీరవయ్యా
నా బ్రతుకును సారథివై నడిపించవయ్యా

1.గణనాథుడు దరినుండగ సంకటములు కలుగవు
గుహనాథుడు దయచూడగ ఏ భయములు చెలగవు
భాగీరథి కృపగనగ కరువులు నను చేరవు
పార్వతీమాత వల్ల దుష్కర్మలు గెలువవు
శంకరా ఇకనైనా నా వంక రా
నువుతోడుగా ఉంటే నాకింక ఏ వంక రా

2.గరళకంఠ నాలోని కల్మషాలు హరించరా
చంద్రచూడ నా చిత్తమునెప్పుడు స్థిరపరచరా
భస్మభూష నా మనసుకు శాంతిని చేకూర్చరా
రుద్రనేత్ర నాలోని అహమును దహియించరా
శంకరా నీ ఎడ లేదు నాకు ఏ శంక రా
వెంటనే నా వెంటనే ఉండవయ్య భక్త వశంకరా