శవాలపైని పేలాలు"

అవినీతికి అదునైన మూలాలెన్నో

అవకాశ పదవికి వేలాలెన్నో

గీతానికి ఎగబడే తోడేళ్ళెన్నో

డబ్బుకు గడ్డి కఱచు ఇంద్ర జాలాలెన్నో

1.లంచం జన్మహక్కైన శాఖలెన్నో

ఆమ్యామ్యాకాశపడే గుంటనక్క లెన్నో

అధికారం ముసుగులో ఆరితేరిరెందరో

దర్జాగల దొంగలనక వీరినేమందురో

2.మందుపార్టీలకు మోజుపడే దొకరకం

పొందుచిందు కోరుకునేదింకోరకం

కానుకలను ఆశించేదొక అవినీతి

పలుకుబడికి తలవంచేదొక అవినీతి

3.శ్రమకు మించి లభించితే అక్రమార్జనే

తేరగా దొరికితే అదీ పరుల సొమ్మే

జీతందొబ్బితింటు పీడించడమెందుకు

విధిలేక కక్కిన వాంతి నాకుడెందుకు