రచన,స్వరకల్పన&గానం:రాఖీ

ఒక శోకం శ్లోకమైంది,రఘువంశమైంది
ఒక మైకం మౌనమైంది,అనుభవైకమైంది
ఒక భావం కవనమైంది,బృందావనమైంది
అనురాగం యోగమైంది,సహయోగమైంది

1.నిదురెలావస్తుంది ఎద నీవె నిండిపోతె
తనువెలా మోస్తుంది తలపులన్ని దండివైతె
ఎదురుగానీవుంటే ఎనలేని స్వప్నాలు
కుదురుగా ఉండక మనలేని జీవనాలు

2.భావనలు నీవైనా స్పందనలు నావి
ప్రతిపాదనలు నావైనా  అనుభూతులు నీవీ
నిజమేమిటంటే నీవీ నావీ వేరేలేవు
నాతో పాటేనీవు నీతో బాటేనేనూ

3.కాలమూ లోకమూ అన్నీ మనవి
మనవిని విని మననంచేయగ నేనే కవిని
పదేపదే లయమౌదాం నిరంతరం బాహ్యంగా
కొత్త చరిత మనమూ రాద్దాం అనూహ్యంగా