దీపం పెట్టి వెతికినా ఆస్కారమెలేదు అందచందాలకి
ఆసాంతం పరిశీలించినా సంస్కారముండదా వ్యక్తికీ
ఉంటారు కొందరు ఊకదంపుడు వాళ్ళు
భజంత్రీలు కార్చేస్తారు ఎనలేని సొల్లు
విచ్చలవిడి తనమన్నదే అర్హతగా
విశృంఖల జీవితమే ఆలంబనగా

1.తలిదండ్రుల ప్రేమకైనా నోచనివాళ్ళు
అందరూ ఉండికూడ ఔతారిల అనాథలు
చిరునవ్వుల ముసగేసుకొని గొంతులే కోస్తారు
నమ్మించినట్టే ఉండి నట్టేట ముంచేస్తారు
పైశాచికత్వమన్నదే ఒక అర్హతగా
హింసించే ఆనందం కడువేడుకగా

2.మనోవైకల్యమే వారికో వైపరీత్యం
బ్రతుకున వైఫల్యమే అసహన కారణం
ఓర్వలేరు సంతోషించే సాటివాళ్ళను
జీర్ణించుకోలేరు తమకు బోధించేవాళ్ళను
అదను చూసి వలవేయడమే అర్హతగా
మోసగించి అవమానించే నెలతగా