రచన,స్వరకల్పన&గానం:డా.రాఖీ

నీ కళ్ళే కలువరేకులు
ఆ కళ్ళే ఎదకు బాకులు
నీ కళ్ళే కదలనీక పాదాలకు మేకులై
ఆ కళ్ళే మెదలనీక గుళ్ళున్న తుపాకులై

1.నీ కళ్ళు నేర్పాయి తారలకు తళుకులెన్నో
నీకళ్ళు కూర్చాయి మెరుపులకు జిలుగులెన్నో
నీకళ్ళే అరువిచ్చాయి నిశీధికే నీలవర్ణము
నీకళ్ళే  స్మృతి తెచ్చాయి నెలలోని కృష్ణపక్షము

2.నీకళ్ళు చూసి చూసీ కృష్ణుడాయే నందబాలుడు
నీకళ్ళు గీసిగీసీ చకితుడాయే చతురాననుడు
నీ కళ్ళే  వరమిచ్చాయి వెన్నెలకు  ఆహ్లాదాన్నీ
నీ కళ్ళే దయతలచాయి కరిమబ్బుకు నల్లదనాన్నీ