రచన,స్వరకల్పన&గానం:డా.రాఖీ

రాగం:చారుకేశి

కష్టాల్లో సాయపడే నేస్తము నీవే
ఇష్టాలను తీర్చే కల్పవృక్షము నీవే
వ్యాధుల పరిమార్చే వైద్యుడవీవే
భవజలధిని దాటించే నావికుడవే
సాయీ నిన్నే శరణంటినయ్యా
సాయీ నన్నే కరుణించవయ్యా

1.ఆకలినెరిగిన అమ్మవు నీవే
ఆశల నెరిగిన నాన్నవు నీవే
మార్గము చూపెడి గురడవు నీవే
మోక్షము నొసగెడి దైవము నీవే
సాయీ నిన్నే శరణంటినయ్యా
సాయీ నన్నే కరుణించవయ్యా

2.ఏకాగ్రత చేకూర్చే లక్ష్యము నీవే
చెక్కు చెదరనీ గుండె ధైర్యము నీవే
అచంచలమైన విశ్వాసము నీవే
అనంతానంతమైన విశ్వము నీవే
సాయీ నిన్నే శరణంటినయ్యా
సాయీ నన్నే కరుణించవయ్యా