రచన,స్వరకల్పన&గానం:డా.రాఖీ
రాగం:ఉదయ రవి చంద్రిక

నన్నల్లుకుంది నవ్వుల మల్లెల పరిమళమేదో
నను గిల్లుతోంది మధురిమలొలికే పికగళమేదో
వెన్నెలే తానుగ వచ్చి శార్వరిని వెలిగించిది
ఆహ్లాద ప్రభలే ప్రసరించి నేస్తమై నిలిచింది

1.మంచితనం నిండుగ ఉండగ
మంచుకొండ గుండెగమారె
పసితనం పరువం నిండగ
సెలయేరు పలుకుల పారే
పాటగా రవళించేను శ్రుతిలయల అనుబంధం
తేనెలే సృజియించేను  విరి తేటి బాంధవ్యం

2.శిల్పమే రూపుదిద్దును
ఉలికి శిలకు పొసగినంతనే
కావ్యమే అంకురించును
భావుకతలు చెలగినంతనే
కల కళగ వెలయగజేస్తే బ్రతుకే ఒక నందనం
కలయిక కలగా కరిగితె భవిత ప్రశ్నార్థకం