రచన,స్వరకల్పన&గానం:డా.రాఖీ

రాగం:సారంగ

సరయూ నది తీర సాకేతపుర నికేత సార్వభౌమా
గోదావరి తటవాస ధర్మపురీ నిజధామ శ్రీ రామా
శరణాగత వత్సలా కోదండరామా
శరణు శరణు దశకంఠ రావణ శమనా
 తక్షణమే కరోనాను కడతేర్చి మముకావర

1.పావనమౌ నీకోవెలకరుదెంచ లేనైతి
రమణీయము నీరూపము దర్శించ నోచనైతి
కమనీయమైన నీ కళ్యాణము కాంచనైతి
శరణాగత వత్సలా కళ్యాణ రామా
శరణు శరణు జానకీ వల్లభ రామా
 కరోనాను కడతేర్చి జగత్కళ్యాణమొనరించర

2.మానవీయ విలువలకూ నిదర్శనం నీవె రామ
మైత్రీభావనకూ తార్కాణం నీవే సుమా
ధర్మ సంస్థాపనకు సుభిక్ష రాజ్యపాలనకు ఆదర్శమా
శరణాగత వత్సలా పట్టాభి రామా
శరణు శరణు జగదానందకారక రామా
 కరోనాను కడతేర్చి నరులనుధ్ధరించరా