మాతృదేవోభవ అన్నది అక్షర సత్యం
అమ్మ అనురాగం అనుభవైక వేద్యం
ఎంత పేద తల్లికైన కొడుకే యువరాజు
కొడుకు కడుపు నిండితేనె తనకు నిదుర రోజు

1.ఢిల్లీకి రాజైనా  తల్లికి ప్రణమిల్లేను
కొడుకు ఎంత దుడుకైనా అమ్మ ఆదరించేను
జగన్మిథ్య అమ్మ సత్యం తత్వమిదియేను
ముదిమివయసున అమ్మసేవయె తృప్తినొసగేను

2.పులకరించు అమ్మహృదయం పలకరిస్తేనూ
కనులనిండును బాష్పకణములు ఎదుటకొస్తేను
కన్నప్రేగు కాంక్షించును కొడుకు కుశలము
అమ్మ ఎదలయ పలవరించు కొడుకు విజయము